येवला में 760 करोड़ के अन्नप्रक्रिया उद्योग को मंजूरी, 50 हजार किसानों को होगा लाभ

येवला तालुक्यातील चिंचोंडी औद्योगिक वसाहतीमध्ये सुखजित बायोकॉर्न लिमिटेडकडून सुमारे 760 करोड़ रुपये की गुंतवणूक असलेला अत्याधुनिक कृषी-आधारित अन्नप्रक्रिया उद्योग उभारण्यास मंजुरी मिळाली आहे। या प्रकल्पामुळे नाशिक जिल्ह्यातील मका उत्पादक शेतकऱ्यांसाठी मोठी, विश्वासार्ह आणि शाश्वत बाजारपेठ उपलब्ध होणार असल्याचे राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांनी सांगितले। येवला कृषि उत्पन्न बाजार समितीच्या विविध विकासकामांच्या भूमिपूजनप्रसंगी ते बोलत होते।

मंत्री छगन भुजबळ यांनी सांगितले की, हा प्रकल्प केवळ एक उद्योग नसून शेतकऱ्यांच्या उत्पादनाला स्थानिक आणि शाश्वत बाजारपेठ उपलब्ध करून देणारा प्रकल्प आहे। या प्रकल्पाची दररोज सुमारे 1,200 मेट्रिक टन मका प्रक्रिया करण्याची क्षमता प्रस्तावित आहे। मक्यापासून स्टार्च तसेच स्टार्चवर आधारित विविध मूल्यवर्धित उत्पादने तयार केली जाणार आहेत। प्रकल्पाच्या पहिल्या टप्प्यात दरवर्षी सुमारे 3.50 लाख मेट्रिक टन मक्याची मागणी निर्माण होण्याची अपेक्षा आहे। त्यामुळे येवल्यासह नाशिक जिल्ह्यातील मका उत्पादक शेतकऱ्यांसाठी हक्काची बाजारपेठ उपलब्ध होणार आहे। चिंचोंडी औद्योगिक वसाहतीतील मका प्रक्रिया उद्योगाचा 50 हजारांहून अधिक मका उत्पादक शेतकऱ्यांना फायदा होणार आहे।

As Preferred Source

Follow Us On

येवला बाजार समितीत कृषि भवन मंजूर करण्यात आले असून त्यासाठी 15 कोटी रुपये मंजूर करण्यात आले आहेत। त्याचप्रमाणे माथाडी भवन निर्माण करण्यासाठी बाजार समितीने प्रस्ताव तातडीने पाठवावा, असे मंत्री भुजबळ यांनी सांगितले।

शेतीसमोर हवामान बदल, उत्पादन खर्च, बाजारभाव, साठवणूक, प्रक्रिया आणि बाजारपेठ अशी अनेक आव्हाने आहेत। या सर्व प्रश्नांकडे व्यापक दृष्टिकोनातून पाहण्याची गरज असल्याचे भुजबळ यांनी सांगितले। शेतकऱ्याला केवळ उत्पादन करणारा नव्हे, तर आपल्या उत्पादनाला मूल्यवर्धन करून अधिक उत्पन्न मिळवणारा उद्योजक बनवायचे आहे। शेतकरी मका, कांदा, सोयाबीन, भाजीपाला, धान्य आणि विविध पिकांचे उत्पादन घेतो। केवळ उत्पादन वाढवणे पुरेसे नाही। उत्पादनाला बाजारपेठ, बाजारपेठेला प्रक्रिया उद्योग आणि प्रक्रियेला देश-विदेशातील बाजारपेठ मिळणे आवश्यक असल्याचे त्यांनी स्पष्ट केले।

आज जगभरात अन्नप्रक्रिया उद्योगाला मोठी संधी आहे। त्यामुळे येवला तालुक्यातील शेतीला आधुनिक अन्नप्रक्रिया उद्योगाची जोड मिळाल्यास शेतकऱ्याच्या उत्पादनाचे मूल्य वाढेल, स्थानिक अर्थव्यवस्था मजबूत होईल आणि रोजगाराच्या संधी निर्माण होतील। या प्रकल्पामुळे रोजगाराच्या अनेक संधी निर्माण होण्याची अपेक्षा आहे। त्याचा फायदा केवळ कारखान्यात काम करणाऱ्या युवकांना होणार नाही, तर वाहतूक, लॉजिस्टिक्स, पॅकेजिंग, दुरुस्ती-देखभाल, कृषी माल पुरवठा, सेवा क्षेत्र आणि इतर पूरक व्यवसायांनाही होणार असल्याचे मंत्री भुजबळ यांनी सांगितले।

येवला शहराचा पिण्याच्या पाण्याचा प्रश्न सोडवण्यासाठी येसगाव पाणीपुरवठा योजना मंजूर करण्यात आली आहे। मनमाड-येवला-कोपरगाव रस्त्याचे चौपदरी काँक्रीटीकरण, येवला-पिंपळस रस्त्याचे चौपदरी काँक्रीटीकरण, येवला बायपास रस्ता, लासलगाव-पाटोदा-नगरसुल रस्ता काँक्रीटीकरण आणि येवला अडतीस गाव योजनेसाठी वाढीव सौर ऊर्जा प्रकल्प यांसारखी अनेक कामे मंजूर करण्यात आली आहेत। तसेच अनेक कामे प्रगतीपथावर आहेत।

बदलत्या काळासोबत कृषि उत्पन्न बाजार समितीनेही पुढे जाण्याची गरज असल्याचे भुजबळ यांनी सांगितले। कृषी उत्पन्न बाजार समित्यांनी पारंपरिक पद्धतीच्या पुढे जाऊन आधुनिक बाजारव्यवस्थेचा स्वीकार करणे आवश्यक आहे। शेतकऱ्यांना चांगली बाजारपेठ, साठवणूक, पॅकिंग, ग्रेडिंग, वजनकाटा, पारदर्शक व्यवहार, डिजिटल सुविधा आणि बाजारभावाची अचूक माहिती मिळाली पाहिजे। शेतकऱ्याला त्याच्या मालाचा योग्य मोबदला मिळणे हा विकासाचा खरा मापदंड असल्याचे त्यांनी सांगितले। त्यामुळे येवला कृषि उत्पन्न बाजार समितीने पुढील काळात शेतकरी केंद्रित, आधुनिक आणि पारदर्शक बाजारव्यवस्था उभी करण्यासाठी पुढाकार घ्यावा, असे आवाहन मंत्री भुजबळ यांनी केले।

आचार्य विनोबा भावे यांच्या जयंतीनिमित्त विनम्र अभिवादन करताना भुजबळ यांनी सांगितले की, त्यांचा विचार केवळ जमीन वाटपापुरता मर्यादित नव्हता। जमीन, श्रम, उत्पादन आणि समाज यांचा संबंध माणुसकीच्या आणि सहकार्याच्या भावनेतून असावा, हा त्यांच्या विचाराचा गाभा होता। राष्ट्रसंत तुकडोजी महाराजांनीही ग्रामविकासाला अत्यंत महत्त्व दिले। ‘गाव घडले तर देश घडेल’ या भावनेतून त्यांनी ग्रामीण समाजाला जागृत करण्याचे काम केले। श्रमाची प्रतिष्ठा, स्वावलंबन, स्वच्छता, शिक्षण, व्यसनमुक्ती आणि ग्रामविकास यांचा संदेश त्यांनी दिल्याचे मंत्री भुजबळ यांनी सांगितले।