सेंट्रल रेलवे ने माल ढुलाई से कमाए 3461 करोड़ रुपये, नागपुर का 59% योगदान

मध्य रेल्वेने एप्रिल ते ऑगस्ट २०२६ या कालावधीत मालवाहतुकीतून ३४०० कोटी रुपयांहून अधिक उत्पन्न मिळवत उल्लेखनीय कामगिरी नोंदवली आहे. या कालावधीत १३,०५८ रेकद्वारे ३४.४८ दशलक्ष टन मालाची वाहतूक करण्यात आली. गेल्या वर्षी याच कालावधीत १२,३६९ रेकद्वारे ३२.१० दशलक्ष टन मालवाहतूक झाली होती. त्याच्या तुलनेत यंदा टनभारात ७ टक्क्यांहून अधिक वाढ झाली असून रेकच्या संख्येतही ६८९ रेकची वाढ झाली आहे.

या कालावधीत मालवाहतुकीतून मध्य रेल्वेला एकूण ३,४६१.९२ कोटी रुपयांचे उत्पन्न मिळाले. मागील आर्थिक वर्षातील याच कालावधीत मिळालेल्या ३,३४६.८० कोटी रुपयांच्या उत्पन्नाच्या तुलनेत ही रक्कम अधिक आहे.

एप्रिल ते ऑगस्ट २०२६ या कालावधीत झालेल्या एकूण ३४.४८ दशलक्ष टन मालवाहतुकीत नागपूर विभागाचा सर्वाधिक २०.३१ दशलक्ष टन, म्हणजेच ५८.९० टक्के वाटा राहिला. त्यानंतर मुंबई विभागाने ८.५६ दशलक्ष टन, म्हणजेच २४.८३ टक्के मालवाहतूक केली. एकूण ३,४६१.९२ कोटी रुपयांच्या उत्पन्नापैकी नागपूर विभागाने २,०७२.७३ कोटी रुपये, म्हणजेच ५९.८७ टक्के उत्पन्न मिळवले, तर मुंबई विभागाचे उत्पन्न ८००.४९ कोटी रुपये, म्हणजेच २३.१२ टक्के राहिले.

As Preferred Source

Follow Us On

एप्रिल ते ऑगस्ट २०२६ या कालावधीत कोळशाचे ४,२९१ रेक भरून १७.०० दशलक्ष टन मालवाहतूक झाली असून टनभारातील त्याचा वाटा ४९.३० टक्के आणि महसूल १,५५६.८७ कोटी रुपये राहिला. कंटेनरच्या ३,९५८ रेकमधून ४.३३ दशलक्ष टन मालवाहतूक झाली. त्याचा वाटा १२.५६ टक्के असून महसूल ४१३.४३ कोटी रुपये मिळाला.

पेट्रोलियम उत्पादनांचे १,१६२ रेकद्वारे २.९१ दशलक्ष टन लोडिंग झाले असून त्याचा वाटा ८.४४ टक्के आणि महसूल २९०.७२ कोटी रुपये राहिला. सिमेंटच्या ६६५ रेकद्वारे २.८२ दशलक्ष टन मालवाहतूक झाली असून त्याचा वाटा ८.१८ टक्के आणि महसूल १९८.३२ कोटी रुपये राहिला.

लोखंड आणि पोलादाच्या ६८५ रेकद्वारे २.२९ दशलक्ष टन मालवाहतूक झाली असून त्याचा वाटा ६.६४ टक्के आणि महसूल १६०.५४ कोटी रुपये राहिला. लोहखनिजाच्या ४६९ रेकद्वारे १.९२ दशलक्ष टन मालवाहतूक झाली असून त्याचा वाटा ५.५७ टक्के आणि महसूल ३१९.७६ कोटी रुपये राहिला.

खतांच्या ४८० रेकद्वारे १.३२ दशलक्ष टन मालवाहतूक झाली असून त्याचा वाटा ३.८३ टक्के आणि महसूल १८७.९९ कोटी रुपये राहिला. इतर मालामध्ये अन्नधान्य, वाहने, क्लिंकर, साखर, डी-ऑइल्ड केक्स म्हणजे तेल काढलेली पेंड, बॅलास्ट इत्यादींचा समावेश असून १,३४८ रेकद्वारे १.८९ दशलक्ष टन मालवाहतूक झाली. या मालाचा टनभारातील वाटा ५.४८ टक्के आणि महसूल ३३४.२९ कोटी रुपये राहिला. एकूण १३,०५८ रेकद्वारे ३४.४८ दशलक्ष टन मालवाहतूक झाली आणि एकूण महसूल ३,४६१.९२ कोटी रुपये राहिला.

एप्रिल ते ऑगस्ट २०२६ या कालावधीत ऑटोमोबाईल लोडिंग ४५१ रेकपर्यंत वाढले. गेल्या वर्षीच्या याच कालावधीत हे प्रमाण ३५७ रेक इतके होते. त्यामुळे ऑटोमोबाईल लोडिंगमध्ये ९४ रेकची वाढ झाली आहे.

ऑगस्ट २०२६ मध्ये मध्य रेल्वेने गेल्या १० वर्षांतील ऑगस्ट महिन्यातील सर्वाधिक ६.८५ दशलक्ष टन मालवाहतूक लोडिंग साध्य केले. या महिन्यात ६.८५ दशलक्ष टन मालवाहतुकीसाठी २,५६७ रेकचा वापर करण्यात आला. गेल्या वर्षी ऑगस्टमध्ये ५.६१ दशलक्ष टन मालवाहतुकीसाठी २,३१५ रेक वापरण्यात आले होते. यंदा मालवाहतुकीच्या प्रमाणात २२ टक्क्यांहून अधिक, तर रेकच्या संख्येत २५२ ने वाढ झाली आहे.

ऑगस्ट २०२६ मध्ये मालवाहतुकीतून ६८४.७८ कोटी रुपयांचा महसूल मिळाला. मागील वर्षी ऑगस्टमध्ये मिळालेल्या ५८३.६९ कोटी रुपयांच्या तुलनेत महसुलात १७ टक्क्यांहून अधिक वाढ झाली आहे.

ऑगस्ट २०२६ मध्ये विभागनिहाय मालवाहतुकीत नागपूर विभागाने ४.०० दशलक्ष टन लोडिंग करून ४०४.८६ कोटी रुपयांचा महसूल मिळवला. मुंबई विभागाने १.७६ दशलक्ष टन लोडिंग करून १६५.९५ कोटी रुपये, सोलापूर विभागाने ०.५६ दशलक्ष टन लोडिंग करून ३९.४८ कोटी रुपये, भुसावळ विभागाने ०.३४ दशलक्ष टन लोडिंग करून ३७.३९ कोटी रुपये आणि पुणे विभागाने ०.२० दशलक्ष टन लोडिंग करून ३७.११ कोटी रुपये महसूल मिळवला. एकूण लोडिंग ६.८५ दशलक्ष टन आणि महसूल ६८४.७८ कोटी रुपये राहिला.

ऑगस्ट २०२६ मधील मालवाहतुकीत कोळसा लोडिंग ऑगस्ट २०२५ मधील ५५७ रेकच्या तुलनेत ९०४ रेकवर पोहोचले. पेट्रोलियम उत्पादनांचे लोडिंग २१४ रेकवरून २४८ रेक, ऑटोमोबाईल लोडिंग ६९ रेकवरून ८५ रेक आणि लोहखनिज लोडिंग ५७ रेकवरून ६४ रेक झाले.

साखर लोडिंग ऑगस्ट २०२५ मधील ३८ रेकच्या तुलनेत ऑगस्ट २०२६ मध्ये ४३ रेक, तर अन्नधान्य लोडिंग ४ रेकवरून १० रेक झाले. डोलोमाइट लोडिंगमध्येही १ रेकवरून ४ रेकपर्यंत वाढ झाली.

दिनांक ८ सप्टेंबर २०२६ रोजी गुजरातमध्ये आयोजित एका कार्यक्रमात श्री नरेंद्र मोदी, माननीय पंतप्रधान यांनी विविध प्रकल्पांची पायाभरणी व लोकार्पण करण्यासोबतच व्हिडिओ कॉन्फरन्सिंगद्वारे जेएनपीटी येथून इलेक्ट्रिक लोकोमोटिव्हद्वारे चालवल्या जाणाऱ्या डबल स्टॅक लाँग मालवाहतुकीला हिरवा झेंडा दाखवला.

पायाभूत सुविधांमध्ये सुधारणा, टर्मिनलच्या क्षमतेत वाढ, मालाची कार्यक्षम व सुरळीत वाहतूक आणि वाहतुकीचे नवीन स्रोत आकर्षित करून आपला मालवाहतूक व्यवसाय अधिक बळकट करण्यासाठी मध्य रेल्वे कटिबद्ध आहे. ग्राहक-केंद्रित मालवाहतूक सेवा, नाविन्यपूर्ण लॉजिस्टिक्स उपाययोजना आणि आपल्या नेटवर्कचा सर्वोत्तम वापर यासाठी सातत्याने प्रयत्नशील राहून मध्य रेल्वे मालवाहतुकीतील आपला हिस्सा वाढवण्यावर आणि भारतीय अर्थव्यवस्थेच्या विकासात महत्त्वपूर्ण योगदान देण्यावर लक्ष केंद्रित करत आहे.

दिनांक २७ सप्टेंबर २०२६ रोजीचे हे प्रसिद्धीपत्रक, प्र. प. क्रमांक २०२६/०९/47, मध्य रेल्वेचे मुख्य जनसंपर्क अधिकारी डॉ. स्वप्नील निला यांनी छत्रपती शिवाजी महाराज टर्मिनस, मुंबई येथून जारी केले आहे.