गणपति उत्सव: नांदेड और सावंतवाडी रोड के बीच चलेंगी 4 स्पेशल ट्रेनें
मध्य रेलवे ने यात्रियों की भीड़ को देखते हुए नांदेड-सावंतवाडी मार्ग पर 4 अतिरिक्त विशेष ट्रेनें चलाने का फैसला किया है।
प्रवाशांच्या मागणीनुसार मध्य रेल्वेने ‘हुजूर साहेब नांदेड’ आणि ‘सावंतवाडी रोड’ दरम्यान ४ अतिरिक्त गणपती विशेष गाड्या चालवण्याचा निर्णय घेतला आहे. गणपती उत्सवाच्या पार्श्वभूमीवर या विशेष गाड्यांच्या ४ सेवा उपलब्ध होणार असून, त्यामध्ये नांदेड-सावंतवाडी रोड आणि सावंतवाडी रोड-नांदेड अशा प्रत्येकी दोन सेवा असतील.
गाडी क्रमांक 07659 ही विशेष गाडी ‘हुजूर साहेब नांदेड’ येथून दिनांक १२.०९.२०२६ आणि दिनांक १५.०९.२०२६ रोजी २०:०० वाजता सुटेल. ही गाडी तिसऱ्या दिवशी ०३:३० वाजता ‘सावंतवाडी रोड’ येथे पोहोचेल. या गाडीच्या दोन सेवा असतील.
गाडी क्रमांक 07660 ही विशेष गाडी ‘सावंतवाडी रोड’ येथून दिनांक १४.०९.२०२६ आणि दिनांक १७.०९.२०२६ रोजी ०७:३० वाजता सुटेल आणि दुसऱ्या दिवशी ११:३० वाजता ‘हुजूर साहेब नांदेड’ येथे पोहोचेल. या गाडीच्या दोन सेवा असतील.
या विशेष गाड्यांना पूर्णा, परभणी, परळी वैजनाथ, लातूर रोड, लातूर, येडशी, बार्शी टाऊन, कुर्डुवाडी, दौंड, पुणे, लोणावळा, कल्याण, पनवेल, पेण, रोहा, माणगाव, खेड, चिपळूण, संगमेश्वर रोड, रत्नागिरी, राजापूर रोड, वैभववाडी रोड, कणकवली आणि कुडाळ येथे थांबे देण्यात आले आहेत.
गाडीची संरचना ३ वातानुकुलीत द्वितीय, ५ वातानुकुलीत तृतीय, १० शयनयान, ४ सामान्य द्वितीय श्रेणी आणि २ द्वितीय असणासह गार्ड्स ब्रेक व्हॅन अशी आहे. या विशेष गाड्यांच्या थांब्यांवरील सविस्तर वेळेसाठी प्रवाशांनी www.enquiry.indianrail.gov.in या संकेतस्थळाला भेट द्यावी किंवा एनटीइएस ॲप डाउनलोड करावे.
मध्य रेल्वेचे हे प्रसिद्धीपत्रक दिनांक ८ सप्टेंबर २०२६ रोजी प्रसिद्ध झाले असून, प्र. प. क्रमांक २०२६/०९/१४ अंतर्गत छत्रपती शिवाजी महाराज टर्मिनस, मुंबई येथून डॉ. स्वप्नील निला, मुख्य जनसंपर्क अधिकारी, मध्य रेल्वे यांनी जारी केले आहे. प्रवाशांच्या मागणीनुसार सुरू होणाऱ्या या ४ अतिरिक्त गणपती विशेष रेल्वे सेवांमुळे नांदेड आणि सावंतवाडी रोडदरम्यानच्या प्रवाशांना अतिरिक्त रेल्वे पर्याय उपलब्ध होणार आहेत.
