राधानगरी पुलिस ने अवैध गुटखा और गांजा जब्त किया, दो आरोपी गिरफ्तार
कोल्हापुर की राधानगरी पुलिस ने दो अलग-अलग छापेमारी में 75 हजार रुपये का माल बरामद किया। इसमें प्रतिबंधित गुटखा, तंबाकू और सवा किलो गांजा शामिल है।
कोल्हापूर जिल्ह्यातील राधानगरी पोलिसांनी अवैध धंद्यांविरोधात राबविलेल्या धडक मोहिमेत एकाच दिवसात दोन महत्त्वपूर्ण कारवाया करत गुन्हेगारी वर्तुळात खळबळ उडवून दिली आहे. या कारवाईत प्रतिबंधित गुटखा, सुगंधी तंबाखू आणि गांजाचा साठा जप्त करण्यात आला असून, एकूण ७५ हजारांहून अधिक किमतीचा मुद्देमाल पोलिसांनी हस्तगत केला आहे.
पोलीसांना मिळालेल्या गोपनीय माहितीनुसार, २४ जून रोजी सकाळी राशिवडे बुद्रुक येथील तिरंगा पान शॉपवर अन्न सुरक्षा विभागाच्या अधिकाऱ्यांच्या मदतीने संयुक्त छापा टाकण्यात आला. या कारवाईत प्रकाश नरहरी गोंगाणे याच्याकडे विक्रीसाठी साठवून ठेवलेला प्रतिबंधित गुटखा व सुगंधी तंबाखूचा मोठा साठा आढळून आला. पोलिसांनी या ठिकाणाहून ५५ हजार २० रुपये किमतीचा मुद्देमाल जप्त केला आहे. या प्रकरणी अन्न सुरक्षा व मानके कायदा आणि भारतीय न्याय संहितेतील संबंधित कलमान्वये राधानगरी पोलीस ठाण्यात गुन्हा दाखल करण्यात आला असून, अधिक तपास सुरू आहे.
एकाच दिवशी झालेली दुसरी कारवाई रात्रीच्या सुमारास सरवडे येथे करण्यात आली. सरवडे गावात एका घरात गांजाची विक्री होत असल्याची खात्रीशीर माहिती मिळताच पोलिसांनी तातडीने सापळा रचून छापा टाकला. या कारवाईत अक्षय अशोक सुतार (वय ३१) याला एक किलो २० ग्रॅम गांजासह रंगेहाथ ताब्यात घेण्यात आले. जप्त केलेल्या गांजासह एक मोबाईल फोन आणि रोख रक्कम असा एकूण २० हजार २२० रुपयांचा ऐवज पोलिसांनी हस्तगत केला आहे. आरोपी अक्षय सुतारविरुद्ध अमली पदार्थ आणि मनोव्यापारावर परिणाम करणारे पदार्थ अधिनियम (एनडीपीएस कायदा) अंतर्गत गुन्हा दाखल करण्यात आला असून, राधानगरी पोलीस पुढील सखोल तपास करत आहेत.
राधानगरी पोलिसांनी अवैध गुटखा, तंबाखूजन्य पदार्थ आणि अमली पदार्थांच्या विक्रीविरोधात सुरू केलेल्या या धडक मोहिमेचे परिसरातील नागरिकांकडून कौतुक होत आहे. राधानगरी पोलिसांच्या या धडक कारवाईमुळे अवैध व्यवसायिकांचे धाबे दणाणले असून, परिसरातील बेकायदा धंद्यांवर अंकुश ठेवण्यासाठी अशा प्रकारच्या कारवाया यापुढेही अधिक तीव्र करण्यात येणार असल्याचे स्पष्ट करण्यात आले आहे.
