नामांकित कंपन्यांच्या दुधात भेसळ

मुंबई : तुम्ही खरेदी करत असलेल्या दुधात भेसळ (Adulterated milk) तर नाही ना? हे तपासून बघा म्हणण्याची वेळ आता आली आहे. कारण अनेक ठिकाणी दुधामध्ये भेसळ केली जात असल्याच्या घटना उघडकीस येत आहेत. मुंबईमध्येही दुधात भेसळ होत असून, नागरिकांच्या जीवाशी खेळ सुरु असल्याचं समोर आलं आहे. मुंबईच्या कांदिवली पूर्वेकडील समता नगर पोलिस (Police) ठाण्याच्या हद्दीत असणाऱ्या पोयसर परिसरात गुन्हे शाखेने छापेमारी करुन २३५ लीटर भेसळयुक्त दुधाचा साठा जप्त केला आहे. याप्रकरणी तीन जणांना अटक करण्यात आली आहे.

मुंबईच्या कांदिवली पूर्वेकडील समता नगर पोलिस ठाण्याच्या हद्दीत असणाऱ्या पोयसर परिसरात दुधात भेसळ करण्यात आल्याची घटना उघडकीस आली आहे. २३५ लीटर भेसळयुक्त दुधाचा साठा जप्त करण्यात आला आहे. त्याचबरोबर भेसळ करण्यासाठी लागणारे साहित्यही यूनीट १२ व अन्न व सुरक्षा विभागाने

Join Us on WhatsApp

As Preferred
Source

Follow Us On

(Food and safety department) छापा जप्त केले आहे. विरय्या मल्लया चिराबोयना (४६ वर्षे), रवी तेलू बिसखामय (३० वर्षे) आणि शंकर पेतय्या मंदरा (४२ वर्षे) अशी अटक करण्यात आलेल्या आरोपीची नावे आहेत. या तीन जणांविरोधात अन्न व औषध भेसळ (Food and drug adulteration) विरोधी कायदा तसेच फसवणूक इत्यादी कलमांतर्गत समता नगर पोलिस ठाण्यात गुन्हे दाखल करण्यात आले आहेत. हे तिघेही दूध विक्री (Selling milk) करताना नफा मिळवण्याच्या हेतूने दुधात भेसळ करून नागरिकांची जीवाशी खेळ सुरु आहे. कांदिवली बोईसर या परिसरात दुधात भेसळ करणारी टोळी कार्यरत आहे. ही टोळी मागील काही वर्षांपासून नामांकित कंपन्यांच्या दुधात भेसळ करून मोठ्या प्रमाणात भेसळयुक्त दुधाची विक्री करुन नागरिकांच्या जीवाशी खेळत होती, याबाबतची धक्कादायक माहिती आता समोर आली आहे. गुन्हे शाखेने अन्न व औषध प्रशासनासोबत शनिवारी पहाटे कांदिवली पूर्वेकडील पोयसर (Kandivali East Poysar) भागातील काजुपाडा गावदेवी परिसरातील तीन घरांवर छापा टाकला. छापा टाकण्यात आलेल्या ठिकाणी गोकुळ, अमूल या सारख्या नामांकित कंपन्यांच्या दुधाच्या भरलेल्या आणि अर्धवट भरलेल्या पिशव्या आणि भेसळीसाठी लागणारे साहित्य आढळून आले. त्यानंतर गुन्हे शाखेसह अन्न व औषध प्रशासनाने कारवाई करत तीन जणांना अटक केली आहे.