शिंदे गटाचा यंदाचा दसरा मेळावा 'आझाद मैदानात होणार !

मुंबई, दि. १६ (प्रतिनिधी) : दसरा मेळावा (Dussehra gathering) आझाद मैदाना (Azad Maidan) वर घेण्याचा निर्णय शिंदे गटाकडून (Shinde Group) घेण्यात आला आहे. शिंदे गटाकडून क्रॉस मैदान (Cross Maidan) आणि आझाद मैदान (Azad Maidan) ही दोन मैदानं ठरवण्यात आली होती. पण क्रॉस मैदानावर क्रिकेटच्या मैदानांचे पिच आणि मैदानांवर नियोजन करण्यात अडचणी येत असल्याने आझाद मैदानवर शिंदे गटाचा दसरा मेळावा घेतला जाणार आहे. पोलिसांनी देखील या मैदानावर दसरा मेळावा घेण्याची परवानगी शिंदे गटाला दिली आहे.

दसऱ्याच्या दिवशी घेण्यात येणाऱ्या मेळाव्यासाठी यंदा देखील ठाकरे आणि शिंदे गटामध्ये शिवाजी पार्क मैदानावरुन वाद निर्माण झाला होता. पण शिंदे गटाने माघार घेत हा मेळावा दुसऱ्या मैदानावर घेण्याचा निर्णय घेतला. त्यानंतर क्रॉस मैदान आणि आझाद मैदान या दोन मैदांनांचा विचार करण्यात आला.